وبالخصوص محبي طيور الحب
دائما تجيني اسأله عالخاص عن هالطير الرائع
وعن اساليبي في التربيه وغيرها
وحبيت ان اضع لكم مجموعه من الاسئله اللي وصلتني واجوبتي لها
لسبب واحد
الفائده العامه
تفضلوو
1- أخوي أنا توني مركب جوز روز من أمس فقط لكن الذكر خايف تحت والأنثى خايفة فوق والذكر محتل مكان الأكل وإذا قربوا من بعذ على طول يصارخوا مع العلم إن الذكر أليف < مادري يمكن يأثر بشي
فسؤالي هو أخليهم مع بعض لو أفصلهم كل واحد في قفص قريب من بعض ؟
ج1
فالبدايه ابارك لك على هالجوز وان شاء الله تشوف خيره
اخوي حسب مافهمت من كلامك ان الذكر اليف وهنا بتصير مشكله بسيطه لكن محلوله بأذن الله
خيوو الطير الاليف يكون موالف الانسان وراعيه اكثر من الطيور وهذا اللي بيأخر عمليه توالفه مع الانثى بشكل بسيط
المهم اتركهم مع بعض وخلاص لاتحاول تطلع الذكر وتلعب معه خليه مع الانثى لين يتوالفون وبالنسبه للضرب والصريخ اللي يجي بينهم ترا الموضوع عادي انا عندي اجواز منتجه ومعها فروخها ودايما تتضارب الانثى والذكر بشكل هجمات بسيطه يعني لاتخاف
لكن اذا مثل ماتقول الذكر مايخلي الانثى تاكل اذا طول هالموضوع خيوو بيكون قدامك حلين
الاول انك تجيب وعاء اضافي للأكل وتعلقه فوق يصير واحد فوق وواحد تحت
او تفصل الطيرين كل طير بقفص وتخلي القفصين جنب بعض عشان يشوفون بعض ويتعودون على بعض يعني لمده بسيطه من خمس ايام الى اسبوع وبعدها تجمعهم
2- أنا الآن مو مركب بياضة ولا شي يحتاج أركب الآن لو إذا توالفوا أركبها ؟
ج2
بالنسبه للبياضه لاتستعجل على تركيبها اتركها لين يتوالفون افضل عشام مايصير واحد منهم يتخبا فيها عن الثاني
3- أنا حاطهم في مكان دايما الأهل يمرو عليهم فيه مادري ممكن يخافوا وللاشي يعني هذا عادي ؟
ج3
اخوي طيور الانتاج بالعاده تحب المكان الهادي يعني الافضل انه يكون لهم غرفه مخصصه لطيور الانتاج او انك تشوف لهم اهداا مكان فالبيت وتحطهم فيه والافضل انك تعلق القفص في مكان مرتفع يعني حتى لو تمر من عنده يكون فوق راسك عشان يحسون بالخصوصيه والامان
4- إذا طالت فترة الولافة بين الزوج يعني أسبوعين تقريبا أفصلهم أو أخليهم على هالحال لأني خايف من إن الأنثى ما تاكل
ج4
مثل ماقلت لك في السؤال الاول اذا خفت على الانثى افصلهم بس خل القفصين جنب بعض مره متلاصقه وهم بيبدون يتقربون لبعضهم وللمعلوميه اذا انت متأكد انهم ذكر وانثى وانهم في سن تزاوج وجاهزين ماراح تطول فتره التوالف يعني يومين ثلاثه بالكثير ويتوالفون
5- سؤال بخصوص حجم البياضة اللي أركبها كم حجمها يكون + وش أحط داخلها من أشياء
ج5
حجم البياضه اخوي النوع اللي انا استخدمه وفي نظري انه افضل حجم ومقاس هو طول15سم في عرض15سم وارتفاع20سم وافضل شي انك تعلقها من خارج القفص عشان يسهل عليك تتفقدها بدون لاتضايق الطيور وعشان ماتقلل من مساحه القفص
وبالنسبه لشنو تحط داخلها
لاتحط داخلها اي شي خيوو اذا توالفو الطيور وركبت البياضه وبدو يدخلون فيها حط لهم سعف النخل(خوص) في ارضيه القفص وهم راح يقصصون منها ويدخلونا في البياضه ويبنو عشهم بنفسهم وتقدر تحط لهم بالاضافه للخوص قطعه صغير من ورق الجرايد وهم راح يبطنون بها العش
6- القفص تبعهم يهم إني أخليه كبير لو ما في فرق
ج6
نوعيه الاقفاص اللي استخدمها وهي ممتازه لهم وسعرها حلو جدا (35-40ريال) ومقاسها يجي 30سم*40سم تقريبا
(لكن في هالنوعيه احرص انك تربط ابواب القفص لأن بعض الطيور تعرف تفتحه)
7- طير الروز يتحمل البرودة ؟ لأن إحنا في فترة شتاء يعني درجة حرارة البيت بدون دفاية ولا شي عادي أخليهم في هالجو ؟
ج7
اخوي انت عارف ان الجو عندنا فالرياض ابرد من عندكم وانا حاط طيوري في ملحق في سطح البيت بدون دفايه والحمد لله هذا مكانهم من اكثر من سبع سنوات والامور ماشيه عال العال بس حاول مايكونو قريب من تيارات هواء يعني مايكونو قريب من شباك ولا يكونو مقابل مكيف حتى لو كان حار
8-اخي انا عندي زوج روز الانثى باضت مرتين الاولى اقحها الذكر عدة مرات ولا فقس شي
ولان عندها بيض بس ما شفت الذكر ولا مرة يلقحها
قدرته وخبرته الجنسية بسيطة
هل تعرف شي يزيد القدرة الجنسية؟؟
ويش تنصحني اسوي علاشان احصل على انتاج ممتاز؟؟
ج8
من ناحيه علميه
احسن فيتامين لزياده القدره الجنسيه للطيور معروف انوو فيتامين e
وتحصله عند البيطري وهو ممتاااز جداا ومجرب
واذا تبي من ناحيه تجربتي انا
تااامر امرر
خيووو انا جربت عده اشياء
وبصراااحه افضل شي جربته ولازلت استمرر عليه
وبأذن الله رااااح يزود القدره الجنسيه والانتاجيه عندك هي عده اشياء
بس تابع معاي
عندك اول شي وهوو الشي المعروف
الجرجير والخس يعني بمعدل مره الى مرتين بالكثير في الاسبوع
وطبعاا البيض بالبقسماط نفس الشي
ونجي للأهم في نظري وقليل اللي يعرف عنه
البرسيم الشايخ ((زهره البرسيم الزرقاء او البنفسجيه))
وهذي تحصلها بالبرسيم الاخضر الطري
وبعد عندك القرطم ((يشبه الحب الشمسي بس اصغر ولونه ابيض))
معروف عند محلات اعلاف الطيور
القرطم خيوو اخلطه مع اكل الطيور بنسبه اكثر من الاكل تبعهم
9-خيو انا عندي جوز لوف بيرد وعلى وشك تفريخ وانا ابغا اخذ احد الفروخ وادربه
متى تنصحني بأخذ الفرخ من اهله بالضبط؟
ج9
خيوو بالنسبه للتربيه اليدويه تعتمد اذا انت كان عندك خبره وتفرغ للطيور او لا
يعني اذا خبرتك بالاطعام اليدوي ممتازه ومتفرغ جداا له يفضل انك تاخذ الطير بعمر من 5 ايام الى اسبوع او تقدر تتركه مع اهله الى ان يطلع الريش ويقترب موعه خروجه من العش لكن في هذه الحاله سيكون الفرخ في البدايه صعب في الاطعام ولا يتقبل ان تطعمه بالابره (السرنجه) بسهوله ويتحتم عليك ان تطعمه بالقوم الى ان يعتاد على الامر
واذا لم تكن متفرغاا للأطعام فأقترح عليك ترك الفرخ من اهله وعدم اخذه قبل فطامه لأنها ارواح في ذمه المربي
ليست هناك تعليقات:
إرسال تعليق